Святой великомученик и целитель Пантелеимон

ВЕЛИЧАНИЕ

Величаем тя,/ святый великомучениче Пантелеимоне, / и чтим честная страдания твоя,/ яже за Христа/ претерпел еси.

ИСТОРИЯ ОБРАЗА

Святой великомученик Пантелеимон с давних времен является покровителем врачей. Молитвы больных, с верой обращенные к нему, приносят облегчение, излечивают от физических и духовных заболеваний. Пантелеимон жил во времена правления императора Максимиана, в вифанском городе Никомидии. Известно, что его отец Евстрогий был уважаемым человеком языческой веры, а мать Еввула исповедовала христианство. При рождении мальчику дали имя “Пантолеон”, которое означает “по всему лев”, и только потом, когда он раскрыл в полноте своей целительские и духовные дары, дарованные ему Господом, люди стали именовать его Пантелеимон – что означает “всемилостивый”.

Земная жизнь Пантелеимона была короткой, он был замучен в юном возрасте. Поэтому на иконах он изображается юношей. Но он оказал на современников настолько сильное воздействие, что остался в вечной памяти, как целитель, и истинный христианин, принявший великие мучения, но не отрекшийся от своей веры, и, наконец, святой, то есть стяжавший особую божественную благодать Святого Духа.

Жития святых говорят нам, что св. Пантелеимон получил превосходное образование. Он изучил греческую мудрость, проявляя при этом отличные способности, отличался приятным характером и манерами, имел добрый нрав, за что был любимым окружающими. Мать воспитывала мальчика в христианской вере, но рано умерла, и воспитанием сына занялся его отец, пытаясь приобщить ребенка к язычеству. Но в полной мере ему это не удалось, видимо, потому что “человеческая душа по своей природе является христианкой” (Тертуллиан), и уроки матери глубоко запали в его душу еще в раннем детстве. Искусству врачевания Пантелеимон учился у знаменитого врача Евфросина, к услугам которого прибегал сам император Максимиан, жестокий гонитель христиан. Он вскоре обратил внимание на юношу и пожелал сделать его в будущем своим придворным врачом.

Переломным моментом в жизни святого Пантелеимона стала встреча с престарелым пресвитером Ермолаем. Старец подолгу беседовал с юношей, наставляя его в вере, и вскоре полюбил его как родного. Во время душеспасительных бесед со старцем Пантелеимон, по-видимому, получил и некоторые рекомендации по врачеванию, которые могут совершаться по истинной вере во Христа. Юноша хотел проверить их на практике, но такой случай предоставился не сразу. И вот однажды, идя от старца, Пантелеимон увидел мертвого ребенка, которого ужалила большая змея. Сама змея лежала около умершего. Юноша сначала испугался и отступил в ужасе, но потом он сказал себе: “Сейчас надо испытать и узнать, истинно ли говорит старец Ермолай”. И, подняв глаза к небу, он произнес: “Господи Иисусе Христе, я не достоин призывать Тебя, но если Ты желаешь, чтобы я стал Твоим рабом, то яви силу Свою и сделай так, чтобы по имени Твоему мальчик ожил а ехидна стала мертвой” И произошло чудо: мальчик встал живым, а змея сдохла. Юноша со слезами на глазах начал прославлять и благодарить Бога, а затем был крещен старцем Ермолаем и оставался после крещения у него еще семь дней. Особенность этого чудесного исцеления в том, что оно произошло не по полной вере Пантелеимона и вместе с воскрешением ребенка совершенно возродило душу юного врача.

Через некоторое время произошло второе чудесное исцеление, которое, как и первое, описано в книге “Жития Святых”. В это время к Пантелеимону обратился слепой, совершенно разочаровавшийся во врачах, потративший на лечение почти все свое состояние, но не получивший никакой пользы. Он услышал об искусстве врачевания юноши и стал просить его: ”Умоляю тебя, помилуй меня, ослепшего, не видящего сладкого света: все врачи, находящиеся в этом городе, меня лечили, но не принесли никакой пользы “. Между тем выяснилось, что среди врачей, которые его безрезультатно лечили, был и Ефросин – учитель Пантелеимона. Видя, сильную веру болящего, Пантелеимон взялся его лечить, и не только исцелил его телесный недуг (наступило полное прозрение), но и возродил дух его, приведя к истинной вере Христовой. Эпизод исцеления описывается следующим образом: ” Коснувшись очей слепца, св. Пантелеимон произнес: “Во имя Господа моего Иисуса Христа, просвещающего ослепленных, прозри и начни видеть”. Можно себе представить, сколько радости испытал этот человек, который вновь увидел свет. После исцеления бывший слепой (вместе с отцом Пантелеимона) принял крещение. Это привело к полному выздоровлению, и не только физическому, но и духовному, об этом говорит тот факт, что исцеленный не отречется и в будущем от истинной веры, и, как и исцеливший его, примет за нее смерть.

После кончины отца Пантелеимон раздал наследство свое нуждающимся и бедным, и продолжал врачевать телесные и душевные недуги людей. Ему послан был свыше дар исцеления, и он всегда бесплатно лечил больных не столько травами, сколько призыванием имени Иисуса Христа. Он являлся врачом не только болезней, но и нищеты человеческой . Видя такое удивительное искусство врачевания и бескорыстие святого, больные из города и близлежащих мест, приходили к нему за помощью.

Из-за зависти других врачей, по их клевете, и за то, что он исповедовал христианство, Пантелеимон был отправлен императором в тюрьму. Он был обвинен в колдовстве и магии, в отступлении от языческой веры. Храбрый юноша отстаивал правоту христианской веры и предложил императору устроить своего рода соревнование: привести любого безнадежно больного человека и предоставить его лечению врачами соревнующихся сторон. Император согласился. Принесли парализованного человека, над которым тщетно целители и языческие жрецы призывали своих богов: кто Зевса, кто Асклепия, кто Диану. Но никакой помощи больной от них не получил. Тогда Пантелеимон помолился, взял его за руку и сказал: “Во имя Господа Иисуса Христа, встань и будь здоров”… Больной тут же выздоровел и встал.

В бессильной ярости император приказал умертвить юношу, на что тот мужественно ответил: “Умереть за Христа для меня приобретение”. Св. Пантелеимон был замучен. Его тело строгали железными когтями, ребра жгли горящими свечами, бросали в раскаленное олово, после этих жесточайших мучений Император приказал войнам отсечь его честную главу мечем. Смерть он встретил радостно, воспевая псалмы.

ТРОПАРЬ, глас 3-й

Страстотерпче святый и целебниче Пантелеимоне, / моли милостиваго Бога, / да прегрешений оставление // подаст душам нашим.

МОЛИТВА

О великий Христов угодниче и преславный целебниче,великомучениче Пантелеимоне! Душею на Небеси Престолу Божию предстояй и триипостасныя Его славы наслаждаяйся, телом же и ликом святым на земли в Божественных храмех почиваяй и данною ти свыше благодатию различная чудеса источаяй, призри милостивным твоим оком на предстоящия люди, честней твоей иконе умильно молящияся и просящия от тебе целебныя помощи и заступления:простри ко Господу Богу нашему теплыя твоя молитвы и испроси душам нашим оставление согрешений. Се бо мы, за беззакония наша не смеюще возвести очесанаша к высоте Небесней, ниже вознести глас молебный к Его в Божестве неприступней славе, сердцем сокрушённым и духом смиренным тебе, ходатая милостива ко Владьще и молитвенника за ны, грешныя, призываем, яко ты приял еси благодать от Него недуги отгоняти и страсти исцеляти. Тебе убо просим: не презри нас, недостойных, молящихся тебе и твоей помощи требующих. Буди нам в печалех утешитель, в недузех страждущим врач, напаствуемым скорый покровитель, очесем недугующим прозрения датель, ссущим и младенцем в скорбех готовейший предстатель и исцелитель: исходатайствуй всем вся, яже ко спасению полезная, яко да твоими Господу Богу молитвами получивше благодать и милость, прославимвсех благих Источника и Дароподателя Бога, Единаго в Троице Святей славимаго Отца и Сына и Святаго Духа, ныне и присно, и во веки веков. Аминь.

АКАФИСТ ВЕЛИКОМУЧЕНИКУ И ЦЕЛИТЕЛЮ ПАНТЕЛЕИМОНУ

Кондак 1

Взбранный страстотерпче Христов и благодатный, туне подаяй недугующим исцеления, песньми восхваляем тя, заступника нашего. Ты же, яко имеяй дерзновение ко Господу, от всяких бед и болезней освобождай нас, любовию тебе зовущих:
Радуйся, великомучениче и целителю Пантелеимоне.

Икос 1

Ангела земнаго и небеснаго человека вемы тя, славный Пантелеимоне: ангельскою бо непорочностию и мученичеством украшен, преселился еси от земли на Небо, идеже со Ангелы и всеми святыми предстоя Престолу Господа славы, молися о нас, земных, почитающих тя звании сими:
Радуйся, светлосте благочестия;
радуйся, преславный светильниче Церкве.
Радуйся, мучеников пречестных украшение;
радуйся, верных в непоколебимом терпении утверждение.
Радуйся, юности преизрядная похвало;
радуйся, поборниче Христов, в мужестве неодоленный.
Радуйся, произрастший в мире, премирен явивыйся;
радуйся, ангеле во плоти, превосходяяй смертных.
Радуйся, небожителю всеблаженный;
Радуйся, Божественнаго разума вместилище.
Радуйся, имже вера возвысися;
радуйся, имже прелесть низложися.
Радуйся, великомучениче и целителю Пантелеимоне.

Кондак 2

Видя тя Владыка сосуд избран, возлюби души твоея доброту. Ты бо, земную всякую сладость и славу презрев, венцем мученическим возжелел еси украситися, уязвлен Божественною любовию, и вдохновенно поя: Аллилуиа.

Икос 2

Разум богодухновен имея, о доблий воителю Пантелеимоне, изумил еси царя Максимиана мужеством души твоея и словесы, имиже дерзновенно проповедал еси Христа. Тем похваляюще дерзновение твое, глаголем сице:
Радуйся, угрозы Максимиана презревый;
радуйся, советом нечестивых не покоривыйся.
Радуйся, насаждение истиннаго Богопочитания;
радуйся, искоренение демонскаго служения.
Радуйся, неистовства мучителей изобличителю;
радуйся, идольския прелести низложителю.
Радуйся, разгнавый нечестивых соборища;
paдуйся, пременивый тленная на Небесная.
Радуйся собеседниче невещественных Ангелов;
радуйся сликовствователю многострадальных святых.
Радуйся, имже сатана посрамися;
радуйся, имже Христос прославися.
Радуйся, великомучениче и целителю Пантелеимоне.

Кондак 3

Силою Вышняго, дарованною тебе, и крепким терпением твоим обезсилил еси мучителеву дерзость, мужественный победоносче: огня, зверей, колеса не убоявся и мечем усечен во главу, венец победы приял еси от Христа Бога, взывая Ему: Аллилуиа.

Икос 3

Имущи обитель твоя вседрагую главу твою, богомудрый страстотерпче, яко превеликое сокровище, радости исполняется о сем и, любовию воспевающи данную тебе от Бога благодать исцелений, благодарно зовет ти:
Радуйся, Никомидии светильниче всесветлый;
радуйся, чтущей тя обители страже неусыпный.
Радуйся, имже охладе безбожие;
радуйся, имже возрасте богопознание.
Радуйся, светлая страстотерпцев славо;
радуйся, радостное православных слышание.
Радуйся, исцелений благодатный источниче;
радуйся, дарований великих вместилище.
Радуйся, благовонное миро, облагоухающее души;
радуйся, яко помогаеши призывающим тя.
Радуйся, слепым зрение даровавый;
радуйся, хромым благошествие устроивый.
Радуйся, великомучениче и целителю Пантелеимоне.

Кондак 4

Бурею помышлений многобожия одержи нечестивый царь смутися, уведев от завиствовавших тебе врачев, яко всякия неисцельныя недуги целиши ты именем Христа. Мы же, веселием славяще дивнаго в тебе Бога, вопием Ему:Аллилуиа.

Икос 4

Слышавше никомидийстии люди о великом сострадании твоем к страждущим и о безмездном врачевании от всяких болезней, устремишася вси к тебе, с верою во врачующую благодать, в тебе сущую, и, приемлюще скорая исцеления от всяких болезней, прославляху и тебе величаху, всемилостиваго целителя своего, зовуще ти:
Радуйся, помазанный миром благодати;
радуйся, храме Бога освященный.
Радуйся, великая благочестивых славо;
радуйся, твердая озлобляемых стено.
Радуйся, мудрых превосходяй разумом;
радуйся, верных осияваяй мысли.
Радуйся, Божественных даров приятелище и многообразных нам милостей Господних источниче;
радуйся, скорый помощниче страждущим.
Радуйся, обуреваемых пристанище;
радуйся, заблуждших наставниче.
Радуйся, болящих туне врачуяй;
радуйся, обильно исцеления источаяй.
Радуйся, великомучениче и целителю Пантелеимоне.

Кондак 5

Чудо преславное сотвори тобою Господь, егда чрез служителя Своего Ермолаа призва тя в чудный Свой свет. Ехидною бо велиею угрызено умершее отроча по молитве твоей ко Христу абие оживе и воста здраво. Познав убо Жизнодавца всех Истиннаго Бога, с твердою верою воззвал еси Ему: Аллилуиа.

Икос 5

Узре свет слепый, емуже с призыванием имене Христова прикоснулся еси ты, славнее, Ермолаем бо пресвитером просвещен, отринув отеческое многобожие, восприял еси матернее благочестие, имже и отца просветил еси. Сего ради тебе, славному угоднику Божию и чудному врачу, взываем:
Радуйся, к Богу велие рачение имеяй;
радуйся, присногорящий огню Божественныя любве.
Радуйся, деятельный послушателю священных поучений Ермолаа;
радуйся, последовавый советам матере твоей Еввулы.
Радуйся яко вся раздал еси, да Христа приобрящеши;
радуйся, любовь к миру любовию Божиею победивый.
Радуйся, яко вместо сладких мира за Христа лютая страдания приял еси;
Радуйся, яко общник сотворился еси Страстем Христовым.
Радуйся, восторжествовавый над всеми страстьми;
радуйся, украсивыйся благодатным безстрастием.
Радуйся, исполняяй радости притекающия к тебе;
радуйся, туне исцеляяй всех благодатию Христовою.
Радуйся, великомучениче и целителю Пантелеимоне.

Кондак 6

Проповедник истины явися просвещенный тобою телесне и душевнее слепец: подобно бо евангельскому слепцу, дерзновенно пред всеми исповеда Света Истиннаго, Христа, просвещающа всякаго человека, нечестиваго же царя и богиязыческия укорив, чрез мечное усечение взыде к немерцающему свету на Небеси пети Богу: Аллилуиа.

Икос 6

С светлым лицем представ судилищу цареву, дерзновенно взывал еси, преблаженне, во услышание всех: всецелебная сила моя и слава Христос есть, Истинный Бог, Владыка всех, мертвыя воскрешали и всяк недуг отгоняяй. За таковое исповедание ублажающе тя, глаголем:
Радуйся, уста громогласная Божества Христова;
радуйся, языче медоточный, вещаяй Его домостроительство.
Радуйся, ветие превысшаго Богословия;
радуйся, сеятелю мудрый благочестия.
Радуйся, сладкозвучная веры свирель;
радуйся, славный проповедниче Православия.
Радуйся, прежде смерти явивый дивная;
радуйся, по смерти совершали чудная.
Радуйся, зрителю славы Христовой;
радуйся, послушателю молящихся тебе.
Радуйся, подателю милости той требующим;
радуйся, ходатаю благ почитающим память твою.
Радуйся, великомучениче и целителю Пантелеимоне.

Кондак 7

Миро излияся на душу твою, богомудрый целебниче, от Утешителя Духа; темже по смерти честныя останки твоя, благоуханием своим страстей злосмрадие отгоняя, исцеление подают вопиющим верою Богу: Аллилуиа.

Икос 7

Егда узреша идольстии чтители многолетна разслабленна, молитвою твоею, святе, воздвигнута и ходяща, мнози увероваша во Христа; жрецыже бесовстии, завистию снедаеми подвигоша царя на ярость. Тебе убо нещадно за Христа стружему и опаляему бывшу, со yмилением зовем:
Радуйся, наслаждения земная презревый;
радуйся, благ вещественных превысший.
Радуйся, яко вся красная мира сего ни во что же вменил еси;
радуйся, яко славу скоротекущую с себе отрясл еси.
Радуйся, неуловимь пребывый ловлении Велиара;
радуйся, победивый мучителей коварства.
Радуйся, не пощадивый за Христа жизни своея;
радуйся, враг явивыйся враждебныя плоти.
Радуйся, многобожия широту утеснивый;
радуйся, Божественною силою идолы поправый.
Радуйся, острейшая стрело, язвящая враги;
радуйся, предстателю, заступаяй верующия.
Радуйся, великомучениче и целителю Пантелеимоне.

Кондак 8

Страннолепно являшеся тебе Господь, ободряя и соблюдая в мучениих за имя Его: во образе бо пресвитера Ермолаа, клокочущее олово, в неже ввержен был еси, охлади, и в мори отрешив велий камень от выи твоей, изведене врежденна на землю. Ты же, паки представ пред царя, торжественне пел еси Христу Богу: Аллилуиа.

Икос 8

Весь умне на Небеси водворялся, и низу на земли сущих не оставлявши, сопребывая с нами всечестною главою твоею, великий страстотерпче Христов, приемля от Господа и подая просвещение и освящение вопиющим тебе таковая:
Радуйся, премудросте Божественныя исполненный;
радуйся, промышления Божия о нас таинниче.
Радуйся, богомудренных умов услаждение;
радуйся, боголюбивых душ увеселение.
Радуйся, пресветлый Христов бисере;
радуйся, освященный душею и телом.
Радуйся, во дворех перворожденных на Небеси вселивыйся;
радуйся, в присноблаженных обитаяй чертозех.
Радуйся, света Троическаго зрителю;
радуйся, в молитвах к Богу теплый о нас предстателю.
Радуйся, просвещение душам подаваяй;
Радуйся, скорбящим утешение низпосылаяй.
Радуйся, великомученице и целителю Пантелеимоне.

Кондак 9

Всякое естество удивися, Пантелеимоне, сиянию в тебе благодати и богатству добродетелей: ангелоподобней чистоте твоей, великому мужеству в лютых страданиих, крепкой любве ко Христу и многому состраданию клюдем, в нихже твориши преславная, во еже пети: Аллилуиа.

Икос 9

Ветия многовещанныя не возмогут по достоянию восхвалити борения твоя, славный добропобедниче, како непобедимою силою Божиею юный леты победи древняго исконнаго врага и посрами идольскую прелесть. Мы же, удивления исполненнии, зовем ти:
Радуйся, радостное зрелище Ангелов;
радуйся, благоговейное удивление человеков.
Радуйся, кровь за Христа излиявый и в смерти млекоисточивый;
радуйся, тело за Него мученической смерти предавый.
Радуйся, исповедничества правило;
радуйся, доблий воине Царя царей.
Радуйся, тьмы державца победивый;
радуйся, победою твоею небесных и земных обвеселивый.
Радуйся, Горняго мира обитателю блаженный;
радуйся, дольняго мира мудрый странниче.
Радуйся, древо, украшенное плодами благодатных дарований;
радуйся, носяй добропобедныя ветви.
Радуйся, великомучениче и целителю Пантелеимоне.

Кондак 10

Сострадания исполнен, яко истинный подражатель Подателя милости Господа, честный страдальче, Пантелеимоном (си есть, всемилостивым) от Него преименован еси, на вся притекающия к тебе милость изливая, юже и нам неоскудно источай, о тебе вопиющим Богу: Аллилуиа.

Икос 10

Стену тя тверду обрет мучитель, никиими же муками победиму, покусися сокрушити крепость твою зубы зверей и остриями мучилищнаго колеса, обаче и в сем ничтоже успе: сила бо Христова лютость зверей укроти, а страшнoe коло, на немже обращаемо бе тело твое, абие сокрушися. Тебе убо непобедимому страстотерпцу зовем:
Радуйся, честное Христово избрание;
радуйся, непорочное Богови благоухание.
Радуйся твердый адаманте Церкве;
радуйся, непоколебимый столпе, досязаяй до небесе.
Радуйся, звери видимыя укрощаяй;
радуйся, драконов невидимых сокрушаяй.
Радуйся, обагренный твоею за Христа кровию, срастворенною млеком;
радуйся, неувядаемыя приемый венцы.
Радуйся, радость причинивый Ангелом и человеком;
радуйся, прославленный Богом на Небеси и на земли.
Радуйся, небожителю, ликовствуяй с мученики;
радуйся, насыщаяйся лицезрением Христа пресладким.
Радуйся, великомучениче и целителю Пантелеимоне.

Кондак 11

Песнь исходную приносим твоему за Xриста заколению священному, в немже вместе с кровию млеко истече от тебе, великомучениче, и масличина, под неюже усечен был еси, исполнися целительных плодов. Темже Христу дивно прославляющему славящия Его, тепле вопием: Аллилуиа.

Икос 11

Светозарная луча был еси, богомудре, во тьме многобожия седящим, путеводящая к Солнцу Правды Христу Богу, Емуже молися, во свете заповедей Его присно пребывати и нам, сицевая радостная тебе приносящим:
Радуйся, пресветлая звездо, на мысленней тверди блистающая;
радуйся, луча, христоименитым людем светящая.
Радуйся, таинственно облиставаемый от Солнца Христа;
радуйся, умне землю обтекаяй.
Радуйся, селение красное Пресвятаго Духа;
радуйся, сосуде пречестный, изливаяй исцеления.
Радуйся, чистоты сокровище;
радуйся, милости тезоимените.
Радуйся, Царствия Небеснаго наследниче;
радуйся, вечныя славы сопричастниче.
Радуйся, предстателю бедствующим в мори житейстем;
радуйся, безсребрениче, помогаяй призывающим тя с верою.
Радуйся, великомучениче и целителю Пантелеимоне.

Кондак 12

Благодати обилие приял еси, преблаженне, по обилию любве твоея ко Христу Богу, Иже и яви тя многоцелебным источником, безмездно врачующим душевныя и телесныя болезни притекающих к тебе с верою и Богу вопиющих: Аллилуиа.

Икос 12

Поюще многострадальный подвиги твоя Христа, славный страстотерпче, хвалим долготерпение твое, ублажаем мученическую кончину, почитаем и священную память твою, заступниче наш и целителю, и в похвалу сицевая тебе зовем:
Радуйся, благочестия трубо благозвучная;
радуйся, мечу, посекаяй нечестие.
Радуйся, строганный на древе за Распростершего руце Свои на древе Крестнем;
радуйся, яко опаляемь за Него, прелести пещь погасил еси.
Радуйся, язвами твоими враги уязвивый;
радуйся, кровию твоею токи идольския крове изсушивый.
Радуйся, в кипящее олово вверженный за Xриста;
радуйся, погруженный за имя Его в водах морских.
Радуйся, промышлением Божиим неврежден в сих пребывый;
радуйся, яко огнь и воду мучений вшел еси в покой Небесный.
Радуйся, изливаяй неизсякаемыя струи милости верным;
радуйся, благосострадательный врачу, исцеления благодать подаваяй.
Радуйся, великомучениче и целителю Пантелеимоне.

Кондак 13

О многострадальный и предивный страстотерпче Христов и целителю наш Пантелеимоне! Милостиво прием сие малое от нас приношение, от многообразных недугов исцели ны и предстательством твоим сохрани от враг видимых и невидимых и вечнаго мучения избавитися нам Господа умоли, да во Царствии Его выну воспеваем: Аллилуиа.
(Этот кондак читается трижды, затем икос 1 и кондак 1.)