Святой священномученик Антипа Пергамский

ВЕЛИЧАНИЕ

Величаем тя, / священномучениче Антипо, / и чтим святую память твою, / ты бо молиши за нас / Христа Бога нашего.

ЖИТИЕ СВЯЩЕННОМУЧЕНИКА АНТИПЫ

В царствование императора Доминиана открылось великое гонение на христиан, и ко всем князьям и правителям были разосланы указы, чтобы христиане беспрекословно повиновались царским велениям, приняли языческую веру и поклонились идолам. Тогда явилось множество верных, безбоязненно исповедовавших слово Божие, и открылось великое мужество мучеников, подвизавшихся за Христа Спасителя. В это время был заточен на остров Патмос и великий апостол, святой Иоанн Богослов, — сей столп Церкви, основание христианской истины и проповедник предвечного Божества Единородного Сына Божия. На Патмосе в откровении среди семи светильников явился ему Господь и повелел написать семи ангелам, т. е. епископам семи малоазийских церквей, и укрепить сонмы мучеников. При этом Господь вспомянул и о святителе Антипе, о котором предлежит настоящее повествование. Антипа, — сказал Господь Своему ученику, — знаю твои дела, и что ты живешь там, где престол сатаны (Откр. 2, 13). Ибо святой Антипа был епископом Пергамской церкви. Из этих слов откровения Иоаннова видно, каковым верным свидетелем Христовым был Антипа и каковы были жители города Пергама, который был жилищем сатаны. Среди них святой Антипа был как свет среди тьмы, как роза среди терния, как золото в грязи или, лучше сказать, в огненной пещи, по написанному: яко злато в горниле искушено (Прем. 3, 6).

Там и закон природы не соблюдался и не было никакой рассудительности, но каждый мстил за себя и сильный обижал слабого, и тот считался мужественным, добрым и праведным, кто бил или умерщвлял христиан. И когда неверные так притесняли и беспокоили общество христианское, блаженный Антипа, муж непоколебимый в вере и постоянный в добродетели, нимало не смущался, но, как бы переменив естество человеческое на ангельское, крепко и безбоязненно стоял против врагов. Пренебрегая угрозами мучителей, он часто выходил в народ и среди него сиял, как заря, светом чистой и правой веры прогоняя тьму идолопоклоннического заблуждения. Поэтому бесы (которых эллины считали за богов) все бежали оттуда, и ни один из них не смел пребывать в Пергаме, в коем жил святой Антипа. Бесы являлись своим жрецам в сновидениях и говорили, что они уже не вкушают жертв их и не обоняют курения жертвенного, так как их прогоняет начальник христиан. Тогда эллины разгневались и устремились на Антипу и, схватив его, повлекли на то место, где они обыкновенно приносили свои скверные жертвы.

И сказал ему правитель: «Ты ли тот Антипа, который и сам не исполняет царских повелений и других учит тому же и так препятствует нашим жертвоприношениям, что ни одному из богов не дает насытиться туком жертвенным? Из-за тебя боги оставили наш город, и есть опасность, как бы какая беда не постигла его, так как они не захотят более охранять его. Довольно тебе коснеть в христианском волшебстве; теперь покайся и подчинись нашим законам, чтобы боги, обладающие сим прекрасным городом, не перестали иметь о нас попечения и охранять нас. А если не захочешь этого сделать, и не отречешься от своей веры и будешь презирать наше богопочитание, то по римскому закону подвергнешься достойному наказанию».

Святой Антипа ответил на это: «Одно знай, правитель, что я — христианин и повиноваться безумному и нечестивому повелению царя отнюдь не желаю. Но так как на твои вопросы следует дать приличный ответ, то выслушай меня. Если ваши боги, которых вы называете владыками всей вселенной, прогнаны, как они сами говорят, смертным человеком, и если те, которых вы считаете за своих защитников и заступников, сами ищут вашей помощи, то отсюда легко можете познать свое заблуждение. Если они не могут наказать за причиненное им оскорбление и признают себя побежденными от одного человека, то каким образом могут избавить от беды весь род человеческий или хотя один город? Приняв сие во внимание, вы должны хотя теперь отстать от пагубного своего заблуждения и уверовать во Христа, сошедшего с небес спасти род человеческий. Сей Христос в скончании веков воистину придет судить всех и воздать каждому по делам его или муку, или почесть».

После сих слов нечестивые схватили святого мужа и повлекли к храму Артемиды, где находился медный вол; раскалив сего вола, они бросили в него святого мученика. Он же сотворив крестное знамение, молился Богу, взывая: «Боже, явивший нам сокровенную от века тайну Господа нашего Иисуса Христа, чрез Которого Ты открыл нам недоведомые глубины совета Твоего, благодарю Тебя за все благодеяния Твои, — за то, что Ты спасаешь нас, уповающих на Тебя, и сподобил меня чести в час сей быть вписанным в число святых мучеников, пострадавших за имя святое Твое. Прими дух мой, отходящий ныне от жизни сей, и дай мне обрести благодать у Тебя и у Единородного Сына Твоего, — и не только меня, но и тех, которые будут жить после меня, сделай участниками милости Твоей, да всеми славится имя Твое святое во веки. Аминь».

Сими и подобными словами долго молился святой Антипа, мучимый в раскаленном воле. Потом, сотворив молитву и обо всем мире, он предал дух в руки Божии, как бы уснув сладким сном, и взошел на небо, украшенный славным мученическим венцем. Благочестивые мужи взяли святые мощи его и с честью похоронили их в том же городе Пергаме, и истекло от них миро, исцеляющее всякие болезни человеческие во славу Христа Бога нашего, со Отцем и Святым Духом славимого во веки. Аминь.

Изложено по «Житиям святых» свт. Димитрия Ростовского.

ОБРАЗ СВЯЩЕННОМУЧЕНИКА АНТИПЫ В НАШЕМ ХРАМЕ

Поясной образ священномученика Антипы Пергамского — самая древняя икона нашего храма, написанная в 1560–1570-е годы, в эпоху правления царя Иоанна Грозного. Это прекрасный образец московской иконописи, представляющий святого, который особо почитался на Руси как целитель от зубной боли. Его единоличные изображения в древнерусском искусстве встречаются сравнительно редко. Иконография нашего образа соответствует описаниям иконописных подлинников: седовласый старец с заостренной бородой средней длины, в крестчатой фелони и омофоре, с Евангелием в руке. Стилистика грозненского времени проявилась в особом «аскетическом» колорите образа: густые охристые плави с легкими движками, активные разделки волос и бороды, темный оливковый фон. Легкая асимметрия, эстетическая выразительность рисунка придают образу особую привлекательность.

ТРОПАРЬ, глас 4-й

Идольския лести упразднил еси, Антипо, / и, диавольскую поправ силу, / пред богоборцы дерзновенно Христа исповедал еси. / Темже со Ангельскими чины в Вышних водворяяся, / Владыце всех славословие принося, / и о нас молебное благодарение предлагаеши, / благодать цельбы даруя. / Сего ради тя чтим, / священномучениче Антипо, / моли Христа Бога, // да спасет души наша.

АКАФИСТ СВЯЩЕННОМУЧЕНИКУ АНТИПЕ ПЕРГАМСКОМУ

Кондак 1

Возбранный чудотворче и изрядный недугов целебниче, по данней ти от Господа благодати, яко имеяй дерзновение к Подателю здравия, от всяких нас бед и недугов свободи, да зовем ти: радуйся, Антипо, скорый помощниче в болезнех наших.

Икос 1

Ангелов и всея твари Содетель, явивый тя Церкве Святей всесветлаго светильника веры и за веру твердейшаго адаманта священномученика, научает нас восхваляти подвиги твоя и воспевати тя, священномучениче Антипо, сице: Радуйся, богомудрый наставниче православныя веры; радуйся, яко источил еси peки учения, верных напаяющия. Радуйся, яко мутныя воды многобожия потребил еси; радуйся, яко демоном служащия чествовати Бога Истиннаго научил еси. Радуйся, яко из глубины безбожия извлекл еси заблуждшия человеки и наставил еси их на путь спасения; радуйся, яко дреманием нечестия одержимыя возбудил еси к разуму истиннаго Боговедения. Радуйся, Антипо, скорый помощниче в болезнех наших.

Кондак 2

Видя лютое гонение неправедных на благочестивыя христианы, не убоялся еси прещения их и мучительства, богоизбранне но дерзновенно пред лицем их истиннаго Бога исповедал еси, вразумляя тех обратитися от суетных идол ко Христу Спасителю и выну пети Ему: Аллилуиа.

Икос 2

Среди язык, сидящих во тьме и сени смертней, сохранив непорочность жития твоего, святе Антипо, Ангелом сожитель быти сподобился еси и с ними воспевати Троическую песнь Богу на Небеси. Услыши нас, поющих ти на земли похвальная пения сия: Радуйся, житию безплотных поревновавый; радуйся, чистотою Ангелом уподобивыйся. Радуйся, во плоти явивыйся аки бесплотен; радуйся, в теле поживый духовно, на земли небесно. Радуйся, небесный человече; радуйся, земный Ангеле. Радуйся, Антипо, скорый помощниче в болезнех наших.

Кондак 3

Силою благодати Божией, еще сый в телеси возсиял еси яко солнце, всех просвещая и разгоняя глубокую нощь безбожия. Сего ради почитая тя яко сопрестольника Апостолов и целеб подателя воспеваем Богу: Аллилуиа.

Икос 3

Имея неусыпное попечение о спасении душ во тьме идолослужения погибающих, богомудре Антипо, не преставал еси призывати тех к Богоугодней жизни, подавая собою пример совершеннаго благочестия христианскаго; сего ради усердно приносим ти похвалы сия: Радуйся, образе жития праведнаго; радуйся, указателю неверным стези, ведущей к Небеси. Радуйся, верным ко спасению путеводителю; радуйся, прилежный вразумителю заблуждших. Радуйся, во обращении идолопоклонников к вере во Христа явивый самоотвержение всецелое; радуйся, архиерею Божий, добре упасший словесное стадо твое. Радуйся, Антипо, скорый помощниче в болезнех наших.

Кондак 4

Велия буря ярости Дометиана, дышущаго убийством, восшуме на храм души твоея, святе Антипо, но того не возможе поколебати, основан бо бе на твердом веры Христовы камени, на немже ты, богоизбранне, неподвижно пребывая, укрепляющему тя Господу Иисусу воспевал еси: Аллилуиа.

Икос 4

Слышавше от тебе нечестивый игемон и жрецы идольстии словеса премудрости, распыхахуся на тя злобою, паче же егда рекл еси: «Едино то веждь, о игемоне, яко христианин аз есмь, царскому же велению безумному и нечестивому повинутися отнюдь не изволяю». Сие убо воспоминая, взываем ти сице: Радуйся, веру во Христа до смерти сохранивый добре; радуйся, силою свыше на брань противу мучителей препоясанный. Радуйся, победоносною славою от Христа Победителя облеченный; радуйся, Апостолов во исповедании Христа подражателю. Радуйся, страстем Христовым сопричастниче; радуйся, кровию своею утвердивый правоверие. Радуйся, Антипо, скорый помощниче в болезнех наших.

Кондак 5

Боготочный источник дивных чудес явился еси, достославне Антипо: приял еси от Господа дар недуги врачевати, да познают неверующие Бога, яве тобою чудодействующа, и воспоют Ему: Аллилуиа.

Икос 5

Видевше людие града Пергама, яко дадеся ти благодать немощных исцеляти, и от всяких телесных и душевных скорбей избавляти, удивишася. Мы же за многая исцеления тобою на ны изливаемая, ублажаем тя похвалами сими: Радуйся, болящих исцеление; радуйся, расслабленных укрепление. Радуйся, недугующих врачу благодатный; радуйся, скорбящим непостыдное прибежище. Радуйся, яко тобою от многих ран грешнии исцеляются; радуйся, яко тобою от всяких болезней с верою призывающии тя избавляются. Радуйся, Антипо, скорый помощниче в болезнех наших.

Кондак 6

Проповедником истины, Христовым Апостолом поревновав, не убоялся еси зверонравных мучителей, не ужаснулся еси прощения, но со дерзновением проповедал еси им Христа Бога, Его же ради в разжен сосуд медян ввержен был еси, да прославится тебе ради дивный во святых Господь, Емуже ты и в огни взывал еси: Аллилуиа.

Икос 6

Имея велию ревность о людех Божиих, ты болезновал еси о погрязших в бездне идолопоклонства, и ради спасения неверных готов был еси, якоже божественный Павел, сам отлучен быти от Христа, возлюбленнаго тобою. Сего ради со умилением взываем ти сице: Радуйся, отцу верующих Аврааму в ходатайстве о грешницех подражавый; радуйся, Боговидцу Моисею в пламенней молитве о спасении неверующих поревновавый. Радуйся, новый Самуиле, в молитве о беззаконницех глаголавый: «Не буди мне, еже не вопити о вас с молением ко Господу»; радуйся, подражателю архидиакона Стефана, во время страдания в медяном воле о мучителех сотворивый сицевую молитву: «Господи! не постави им греха сего». Радуйся, яко незлобив сый, за убивающих тя молился еси, яко за благотворцев; радуйся, пастырю любвеобильный, положивый душу свою за словесныя овцы твоя. Радуйся, Антипо, скорый помощниче в болезнех наших.

Кондак 7

Хотящу беззаконному мучителю лестными словесы отвратити тя, Антипо, от Истиннаго Бога ко идолом бездушным, ты, богомудре, отвещал еси: пришед в последнюю старость и к смерти приближився, не изменю веры моея в Иисуса Христа, Бога моего, Емуже со Отцем и Святым Духом присно пою и во веки веков имам пети: Аллилуиа.

Икос 7

Новое чудо показа Господь тобою, егда ты по велению злочестиваго мучителя ввержен был еси в разжен медян коноб, в немже яко хлеб сладкий испеклся еси и в воню благоухания Святей Троице принеслся еси. Благоговейне убо воспоминая сие превелие терпение твое, блажим тя похвалами сими: Радуйся, позорищным ввержением в разженный сосуд гордыню мучителя низложивый; радуйся, яко огнь любве к Богу в сердце твоем до конца жизни сохранивый. Радуйся, яко Христа ради огнем кончину приявый; радуйся, твердее камене в терпении явивыйся. Радуйся, яко укрепляемый Христом Богом, преславно жизнь на земли скончал еси; радуйся, пресветлому мученическому лику сопричтенный. Радуйся, Антипо, скорый помощниче в болезнех наших.

Кондак 8

Странно бе видети языком, неведущим Божией силы, како в слабом старческом теле возмогл еси, святителю Антипо, претерпети за Христа лютейшия муки. Мы же, благодаря о сем Бога, даровавшаго ти таковую крепость, с любовию взываем: Аллилуиа.

Икос 8

Весь предан был еси Иисусу Пресладкому, святителю Антипо, и сладце Его ради горькия муки в огни претерпел еси, глаголал бо еси: «Чашу страданий, юже даде ми Господь, не имам ли пити»; темже и сам показался еси аки чаша, сладость чудесных исцелений изливающая всем вопиющим к тебе таковая: Радуйся, всею душею возлюбивый Иисуса Пресладкаго; радуйся, пастырю, словесным овцам во Святая святых путь показавый. Радуйся, реко, орошающая мир водами благодати Божией; радуйся, неисчерпаемый источниче чудесных исцелений. Радуйся, сосуде, на вся недуги врачевания неоскудно изливающий; радуйся, яко Господь сил дивная на тебе явил есть. Радуйся, Антипо, скорый помощниче в болезнех наших.

Кондак 9

Всякую стяжал еси чудодействия силу благодатию дивнаго во святых Своих Бога, святителю Антипо: не токмо бо молитвами твоими устрашил еси бесы, но и совершенно из града Пергама изгнал еси я. Воспоминая сию победу твою над злыми духи, благодарне вопием Богу: Аллилуиа.

Икос 9

Витийство человеческое не довлеет изрещи, коликую приял еси, святе Антипо, от Господа власть изгоняти от людей диавола с лукавыми демоны, за еже мы восхваляем тя сице: Радуйся, всяческих козней диавола разрушителю; радуйся, сатаны посрамителю. Радуйся, стужаемых от бесов свободителю; радуйся, демонов отгнателю. Радуйся, темных адских сил устрашителю; радуйся, от негоже духи злобы, якоже дым, исчезают. Радуйся, Антипо, скорый помощниче в болезнех наших.

Кондак 10

Спасти хотя душу твою, презрел еси плоть и не убоялся еси от убивающих тело, святе Антипо, егда бо услышал еси осуждение на сожжение в медяном воле, ты радостно приял еси оное, воспевая Господеви: Аллилуиа.

Икос 10

Стена еси ограждающая от всяких зол усердно тя в помощь призывающих, святе Антипо, не токмо бо во Асии живущим, но и во всех местех сущим христианом твоею действенною молитвою подаеши духовная дарования; ихже ради и мы, отче святый, ублажаем тя сице: Радуйся, сосуде, источаяй елей Божия милосердия; радуйся, живоносный источниче, струи исцелений изливающий нам. Радуйся, скорый возставителю здравия в немощи лежащих; радуйся, всех лютых болезней, паче же лютыя зубныя болезни, целителю. Радуйся, безмездный врачу болезни душевныя и телесныя; радуйся, подателю врачеваний всем, притекающим к тебе с верою. Радуйся, Антипо, скорый помощниче в болезнех наших.

Кондак 11

Пение благоприятное Пресвятей Троице принесл еси, достойный преемниче Апостолов, Антипо, не точию умом, словом и духом, но живым всего себя в жертву принесением. Тем же, аще и не довольны есмы к похвалению таковых твоих подвигов, обаче блпгодарни сущи, поем дивному во святых Богу: Аллилуиа.

Икос 11

Светозарный светильник, от Истиннаго Света озаряемый, сущим на земли являешися, равноапостольный Антипо, просвещаеши бо сердца верных и к разуму Божественному вся наставляеши, поучая и нас со умилением взывати: Радуйся, заре Божия света; радуйся, деннице Солнца Правды. Радуйся, сияние Евангельскаго учения; радуйся, светило небеснаго блистания. Радуйся, просвещаяй души верных; радуйся, озаряяй сердца ищущих правды. Радуйся, Антипо, скорый помощниче в болезнех наших.

Кондак 12

Благодать, данную ти от Бога ведуще, радостно имя твое воспоминаем, святителю Антипо, и с теплым молением к всечестному образу твоему притекающе, прилежно молим тя: подаждь цельбу страждущим лютою зубною болезнию и избави всех нас от всякия нужды и печали, да поем Богу: Аллилуиа.

Икос 12

Славную кончину твою поюще, архиерею Божий, и теплую молитву твою к Богу о христианах воспоминающе, восхваляем Господа Сил, дивная на тебе сотворшаго; ты же услыши нас, умильно вопиющих ти: Радуйся, теплый пред Господем о нас молитвенниче; радуйся, присный пред Богом наш заступниче. Радуйся, добрый наш наставниче; радуйся, о спасении нас грешных сильный ходатаю. Радуйся, Царя Небеснаго скорый умилостивителю; радуйся, благосердый помощниче всех благочестно совершающих память твою. Радуйся, Антипо, скорый помощниче в болезнех наших.

Кондак 13

О, преславный и всехвальный священномучениче Антипо! Приими сие похвальное пение от нас недостойных во умилении тебе приносимое, и богоприятным твоим ходатайством умоли Господа даровати болящим здравие душевное и телесное, избавити всех нас от бед и напастей в жизни сей, по смертном же успении нашем, в день Страшнаго Суда одесную Праведнаго Судии стати и в Царствии Славы Ему воспевати: Аллилуиа.

Этот кондак читается трижды, затем икос 1 и кондак 1.

МОЛИТВА

О, преславный священномучениче Антипо, скорый помощниче христианом в болезнех! Верую от всея души и помышления, яко дадеся тебе от Господа дар болящия исцеляти, недугующия врачевати и разслабленныя укрепляти. Сего ради к тебе, яко благодатному врачу болезней, аз немощный [немощная] прибегаю и твой досточтимый образ с благоговением лобызая, молюся: твоим предстательством у Царя Небеснаго испроси мне болящему [болящей] исцеление от удручающия мя зубныя болезни, аще бо и недостоин [недостойна] есмь тебе, благостнейшаго отца и приснаго заступника моего, но ты, быв подражатель человеколюбия Божия, сотвори мя достойна [достойну] твоего заступления чрез мое обращение от злых дел к благому житию, уврачуй обильно дарованною тебе благодатию язвы и струпы души и тела моего, даруй ми здравие и спасение и во всем благое поспешение, да тако тихое и безмолвное житие пожив во всяком благочестии и чистоте, сподоблюся со всеми святыми славити всесвятое имя Отца и Сына и Святаго Духа. Аминь.